Sensibiliséierung fir Cybersécherheet

Dës Formatioun zur Sensibiliséierung, mécht d’Participante mat de Risike vertraut, déi mat Computere, mobile Geräter an dem Internet verbonne sinn. Bei Datenschutzverletzungen a Cyberugrëffer si meeschtens d’Mënschen d’Zil vu Cyberkriminellen, net d’Computeren. D’interaktiv Schoulung ziilt dorop of, d’Participante unhand vu ville Beispiller aus der Praxis mat de Menace ze konfrontéieren, deene si am Alldag begéinen, an hinne bäizebréngen, wéi si dës Situatioune meeschtere kënnen. D’Participante déi d’Formatioun absolvéiert hunn, wäerte vill méi resistent géint sou Cyberrisike sinn.

- Internet, Konnektivitéit a Verschlësselung- Cookies- Malware an Anti-Virus- Datenschutz a GDPR- Metadaten- Backups- Cyberkriminalitéit a mënschlech Schwaachstellen- Passwierder a Passwuertverwaltung- Phishing- Zwee-Faktor-Authentifizéierung- Physesch Sécherheet

D'Deelhueler wäerten an der Lag sinn:
- Cyberrisiken ze erkennen an ze verstoen
- ze wëssen, wéi een op e Risiko reagéiert
- ze wëssen, wéi si aneren hëllefe kënnen, wann déi engem Risiko ausgesat sinn
- méi resistent a Bezuch op Sécherheet an Datenschutz ze ginn

D'Zil vun der Formatioun ass et, d'Bewosstsinn fir Cybersécherheetsrisiken ze schärfen an de Participante Methoden an Instrumenter an d'Hand ze ginn, fir deene Risiken ze begéinen.